HR - sjef

HR - sjef HR-AVDELINGA, Helse Møre og Romsdal HF

Søk på stillinga (i ny fane)

Om stillinga

Stillinga som HR-sjef i Helse Møre og Romsdal er ledig!

Helse Møre og Romsdal HF har fleire krevjande og meiningsfylte oppdrag: Vi skal levere gode helsetenester av høg kvalitet, samstundes som vi må omstille for å sikre berekraftig drift og møte dei demografiske utfordringane. HR-funksjonen i Helse Møre og Romsdal spelar ei avgjerande rolle for at føretaket skal lukkast med oppdraget sitt. Gjennom profesjonelle og framtidsretta HR-tenester skal vi bidra til utvikling, kvalitet og gjennomføringsevne i alle klinikkane og i heile organisasjonen.

HR-sjefen er leiar for HR-seksjonen. Stillinga har ansvar for å drifte og vidareutvikle HR-funksjonen slik at føretaket får best moglege HR-tenester, både strategisk og operativt, innanfor gjeldande rammer.

HR-seksjonen er eit av fylket sine største HR-miljø og består av tre team med ulike ansvarsområde, samt HMS-koordinator.

I stillinga som HR-sjef vil du ha personal- og fagansvar, og du vert ei viktig drivkraft for utvikling, kvalitet og samhandling i heile HR-portefølja. Du har også ansvar for personaloppfølging av frikjøpte tillitsvalde, samt budsjettering og økonomistyring i seksjonen.

HR-sjefen rapporterer til HR-direktøren, og må pårekne å fungere som stedfortredar for HR-direktøren i føretaksleiinga. HR-sjef deltek også ved høve i det regionale HR-direktørnettverket og vert ein sentral rådgivar og støttespelar for HR-direktøren.

Dette er ei rolle for deg som ønskjer å kombinere strategisk HR-utvikling med tydeleg personalleiing og tett operativ oppfølging – i ein kvardag prega av høgt tempo, kompleksitet og sterke fagmiljø. Du må rekne med å ha eiga HR-portefølje og bidra i konkrete prosjekt og leveransar.

Den største delen av fagmiljøet er samla i Ålesund. Det er ønskjeleg med stor grad av fysisk tilstadevering. Arbeidsstaden din vil difor vere i administrasjonsbygget ved Ålesund sjukehus. Noko reising må påreknast mellom sjukehusa og institusjonane i føretaket.

Er du topp motivert til å vere med og bygge framtidas HR-tenester i Helse Møre og Romsdal? Då vil vi gjerne høyre frå deg!

Nøkkelinformasjon

Søknadsfrist

02.03.2026

Arbeidsgivar

Helse Møre og Romsdal HF

Stad

Ålesund

Stillingstittel

HR - sjef

Stillingar

1

Tilsetjingsform

Fast

Stillingsprosent

100

Webcruiter-ID

5078208974

Sosial Deling

Del på X

Del på LinkedIn Del på Facebook Del på e-post

Arbeidsoppgåver

• Leie, støtte og utvikle medarbeidarar i HR-seksjonen 
• Sikre heilskapleg leveranse og kontinuerleg forbetring av HR-tenestene 
• Utøve tydeleg personalleiing og skape trivsel, tillit og fagleg stoltheit i seksjonen 
• Utvise stor interesse for heile HR-porteføljen – frå strategisk HR og leiingsstøtte til drift, HMS og personalforvaltning 
• Bidra i lokale, regionale og nasjonale oppdrag innan HR-feltet 
• Vidareutvikle og implementere prosessar innan rekruttering, leiar- og organisasjonsutvikling, HMS, arbeidsgivarpolitikk og medarbeidaroppfølging / personal.  
• Vere ein sentral pådrivar for samhandling i stabsområdet, særleg med fagavdeling, økonomiavdeling og bedriftshelseteneste 
• Ved behov, representere HR-direktør i føretaksleiinga og i regionale fora 
• Bidra til utvikling av felles HR-strategiar og prosjekt i samarbeid med Helse Midt-Noreg 
  
  

Kvalifikasjonar

• Høgare relevant utdanning innan HR, leiing, organisasjonsutvikling, økonomi og/eller jus/arbeidsrett (minimum bachelorgrad). Lang leiarerfaring innan HR-feltet kan kompensere for utdanningskravet
• Brei HR-kompetanse og genuin interesse for heile HR-feltet – frå strategisk utvikling til operativ støtte 
• Fleire år med leiarerfaring, helst frå større og komplekse verksemder, og kan vise til resultat
• Erfaring frå offentleg verksemd og sjukehusdrift vil vere ein fordel, men er ikkje eit krav
  
  

Personlege eigenskapar

• Du har svært gode munnlege og skriftlege språklege ferdigheiter. HMR nyttar nynorsk som offisiell målform.
• Du har evne til å bygge kultur og resultat gjennom andre
  
  

Å vere personlig egna vert vektlagt ved tilsetting.

Vi tilbyr

• Ei nøkkelrolle med stort handlingsrom og strategisk betydning 
• Eit engasjert HR-miljø med høg kompetanse, sterk lagkjensle og moglegheit for reell påverknad 
• Medarbeidarar og leiarar som er opptekne av eit godt arbeidsmiljø, og at du skal trivast og lukkast
• Særleg uavhengig og leiande stilling, unntatt frå arbeidsmiljølova sine arbeidstidsbestemmelsar.
• Konkurransedyktig løn. Løn fastsetjast etter avtale, avhengig av kvalifikasjonar og erfaring. 
• Gode pensjons- og forsikringsordningar frå KLP.
  
  

Vi ber om at attestar og vitnemål vert scanna og lasta opp som vedlegg til din CV.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.

Adresse: Åsehaugen 5, 6017 Ålesund, Norge

Opne vegbeskriving (i ny fane)

Kontaktinformasjon

Kjetil Lundberg

HR-Direktør

Telefon: +47 900 18 120

E-post: [email protected]

Om arbeidsgivaren

Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Akuttsjukehusa i HMR er i Volda, Ålesund, og på Hjelset i Molde kommune. I SNR Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.

Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal